અમરેલી જિલ્લાના વાતાવરણમાં એકાએક પલટો, આ વિસ્તારોમાં ગાજવીજ સાથે વરસાદ શરૂ

રાજસ્થાન અને પાડોશી દેશ પાકિસ્તાનમાં ગઈકાલે સર્જાયેલા અપર એર સાયક્લોનિક સર્ક્યુલેશનને પગલે અમરેલી જિલ્લાના વાતાવરણમાં પલટો જોવા મળી રહ્યો છે. હાલ ખાંભા પંથકમાં ગાજવીજ સાથે વરસાદ વરસી રહ્યો છે. આ સિવાય સાવરકુંડલાના ગ્રામ્ય વિસ્તારમાં પણ વરસાદી ઝાપટું પડ્યું હતું. વરસાદ પડવાના કારણે વાતાવરણમાં ઠંડક પ્રસરી ગઇ છે.

આ વિશે મળતી માહિતી પ્રમાણે, આજે સવારથી અમરેલી જિલ્લાના વાતાવરણમાં અચાનક પલ્ટો જોવા મળ્યો હતો. જેના કારણે ખાંભા પંથકમાં અચાનક જ કાળા દિબાંગ વાદળો છવાઇ ગયા હતા. હાલ ત્યાં ગાજવીજ સાથે ઝરમર વરસાદ શરૂ થયો છે. આ સિવાય અંબાજી અને દાતા વિસ્તારમાં પણ ઝરમર વરસાદ શરૂ થયો છે.

સૌરાષ્ટ્રની વાત કરીએ તો, સાવરકુંડલા, રાજપલા, વીજપડી, ધાડલા, વાવેરા અને ચીખલીમાં વરસાદ શરૂ થયો છે. હવામાન વિભાગની ઉ.ગુજરાતમાં વરસાદની આગાહીના પગલે હાલ સૌરાષ્ટ્રના અનેક વિસ્તારોમાં પવન સાથે વરસાદ પડી રહ્યો છે.

આ સિવાય રાજ્યના બે જિલ્લા બનાસકાંઠા અને સાબરકાંઠામાં વરસાદની સંભાવના છે. ગાજવીજ સાથે 30-40 કિમી પ્રતિકલાકની ઝડપે પવન સાથે વરસાદ અને કરા પડવાની આગાહી પણ હવામાન વિભાગે કરી છે.

ગઈકાલે બનાસકાંઠામાં ઝાપટું
થરાદ અને વાવ પંથકમાં ગઈકાલે સાંજે વાવાઝોડા સાથે ઝાપટું પડ્યું હતું. વાવાઝોડા અને ઝાપટાના પગલે નુકસાન થયું હતું. જેમાં એક ખેડૂત પર વીજળી પડતા તેનું મોત નિપજ્યું હતું. જ્યારે બે ભેંસો પણ મોતને ભેટી હતી.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન

The post અમરેલી જિલ્લાના વાતાવરણમાં એકાએક પલટો, આ વિસ્તારોમાં ગાજવીજ સાથે વરસાદ શરૂ appeared first on Sandesh.

from Gujarat – Sandesh http://sandesh.com/banaskantha-and-sabarkantha-forecast-of-meteorological-department-rainfall/
via Best Gujarati News