ઉત્તરપશ્ચિમ ભારતમાં ૭૦ કિલોમીટરની ઝડપે આંધી સાથે તોફાની વરસાદ થવાની આગાહી

। નવી દિલ્હી ।

ભારતીય હવામાન વિભાગે આગાહી કરી છે કે, ૧૫-૧૭ એપ્રિલે ઉત્તરપશ્ચિમ ભારતના મોટાભાગના વિસ્તારોમાં રેતીની આંધી સાથે તોફાની વરસાદની સંભાવના છે. હવામાનના વિવિધ પરિબળોના સંયોગને લીધે દિલ્હી, હરિયાણા, પંજાબ અને રાજસ્થાનમાં રેતીની આંધી સાથે તોફાની વરસાદ વરસવાની સંભાવના છે. ભૂમધ્ય પ્રદેશોમાંથી વાતા ઠંડા પવનોને કારણે સર્જાયેલા વેસ્ટર્ન ડિસ્ટર્બન્સથી ઉત્તર ભારતના રાજ્યોમાં મોસમનો મિજાજ બદલાઇ જવાની સંભાવના છે. શનિવારે વેસ્ટર્ન ડિસ્ટર્બન્સને કારણે જમ્મુ-કાશ્મીર, હિમાચલ પ્રદેશ અને ઉત્તરાખંડમાં વ્યાપક વરસાદ થયો હતો અને તે મંગળવાર સુધી જારી રહે તેવી સંભાવના છે. ભારતીય હવામાન વિભાગના બુલેટિન પ્રમાણે વેસ્ટર્ન ડિસ્ટર્બન્સના કારણે હિમાલયના પશ્ચિમી રાજ્યો અને ઉત્તરપશ્ચિમ ભારતમાં અસર થશે. ૧૫મી એપ્રિલથી જમ્મુ-કાશ્મીર, હિમાચલ પ્રદેશ, ઉત્તરાખંડ, પંજાબ, ચંડીગઢ, દિલ્હી, રાજસ્થાન અને ઉત્તર પ્રદેશમાં તોફાની પવનો સાથે વરસાદ થવાની સંભાવના છે.

નાગાલેન્ડ, મણિપુર, મિઝોરમ, ત્રિપુરા, આસામ અને મેઘાલય જેવા ઉત્તરપૂર્વીય ભારતના રાજ્યોમાં શનિવારે વરસાદ વરસ્યો હતો. બિહાર, કેરળ, કર્ણાટક, તેલંગણા, ઝારખંડ, મહારાષ્ટ્ર, મધ્ય પ્રદેશ, ઓરિસ્સા, છત્તીસગઢ, પશ્ચિમ બંગાળ અને સિક્કિમમાં કલાકના ૫૦-૬૦ કિમી.ની ઝડપે પવનો સાથે વરસાદ થવાની આગાહી કરાઇ છે. ભારતીય હવામાન વિભાગના વિજ્ઞા।ની ચરણસિંહે જણાવ્યું હતું કે, આગામી ચાર-પાંચ દિવસ દેશના મોટાભાગના વિસ્તારોમાં તોફાની પવનો સાથે વરસાદ થવાની સંભાવના છે ૧૬ અને ૧૭ એપ્રિલે ઉત્તરપશ્ચિમ ભારતમાં વરસાદનું જોર વધે તેવી સંભાવના છે. જમ્મુ-કાશ્મીર, હિમાચલ પ્રદેશ અને ઉત્તરાખંડના પહાડી વિસ્તારોમાં હિમવર્ષા થવાની સંભાવના છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન

The post ઉત્તરપશ્ચિમ ભારતમાં ૭૦ કિલોમીટરની ઝડપે આંધી સાથે તોફાની વરસાદ થવાની આગાહી appeared first on Sandesh.

from India – Sandesh http://sandesh.com/north-west-india-70-c/
via Best Gujarati News