મર્યાદા ભૂલ્યા આઝમ ખાન, જયા પ્રદા વિશે કરી અભદ્ર ટિપ્પણી

ઉત્તર પ્રદેશની રામપુર લોકસભા બેઠકથી સમાજવાદી પાર્ટી(સપા)ના ઉમેદવાર આઝમ ખાન અને ભારતીય જનતા પાર્ટી(બીજેપી)ના ઉમેદવાર જયા પ્રદા વચ્ચે જુબાની જંગ વધુ તીવ્ર થઈ છે. સમાજવાદી પાર્ટીના વરિષ્ઠ નેતા આઝમ ખાને જયા પ્રદાનું નામ લીધા વગર વિવાદીત નિવેદન આપ્યું છે.

મીડિયા રિપોર્ટ મુજબ આઝમ ખાને કહ્યું કે,‘જેને અમે આંગળી પકડી રામપુર લાવ્યા, તમે 10 વર્ષ જેનાથી પ્રતિનિધિત્વ કરાવ્યું…તેની વાસ્તવિકતા સમજવામાં તેમને 17 વર્ષ લાગ્યા, જ્યારે હું 17 દિવસમાં ઓળખી ગયો.’ ઉપરાંત આઝમ ખાને આંતર વસ્ત્રોને લઈ અભદ્ર ટિપ્પણી પણ કરી.

જયા પ્રદા પર અપમાનજનક નિવેદન આપ્યા બાદ હવે આઝમ ખાન મુશ્કેલીઓમાં ઘેરાયા છે. રિપોર્ટ મુજબ રાષ્ટ્રીય મહિલા કમિશન હવે સમાજવાદી પાર્ટીના નેતાને નોટિસ ફટકારશે અને તેમનાથી જવાબ માંગશે. પંચ આઝમ ખાનને સોમવારે નોટિસ મોકલશે. ઉલ્લેખનીય છે કે રામપુર ખાતે એક ચૂંટણી રેલીને સંબોધિત કરતા આઝમ ખાને કહ્યું કે,‘હું સભાના દરેક વ્યક્તિને પૂછવા માગું છું 10 વર્ષ જેને તમે પ્રતિનિધિત્વ કરાવ્યું…જેને આંગળી પકડીને અમે રામપુર લાવ્યા, જેનો અમે સંપૂર્ણ રીતે ધ્યાન રાખ્યો, તેને મારી ઉપર કેવા-કેવા આરોપ લગાવ્યા.’

#WATCH Azam Khan says in Rampur(in apparent reference to jaya prada), "Jisko hum ungli pakadkar Rampur laaye, aapne 10 saal jinse apna pratinidhitva karaya…Uski asliyat samajhne mein aapko 17 baras lage,main 17 din mein pehchan gaya ki inke niche ka underwear khaki rang ka hai" pic.twitter.com/JwIlcth4uQ

— ANI UP (@ANINewsUP) April 14, 2019

તમને જણાવી દઈએ કે આ પહેલા જયા પ્રદાએ શનિવારે આઝમ ખાન પર હુમલો કરતા કહ્યું હતું કે જેને મે ભાઈ કહ્યો તેને દર વખતે મારું અપમાન કર્યું છે. ઉપરાંત જયા પ્રદાએ કહ્યું કે આ માણસ કઈ પણ કરી શકે છે. ઉલ્લેખનીય છે કે બન્ને નેતાઓ વચ્ચે 2009થી આ જુબાની જંગ ચાલી રહી છે. જ્યારે આ પહેલા આઝમ ખાને જયા પ્રદા માટે જોરદાર પ્રચાર કર્યો હતો. અમર સિંહના કહેવા પર આઝમ ખાને 2004માં જયા પ્રદાને રામપુર લોકસભા બેઠક માટે ઉમેદવાર બનાવ્યા હતા. જયા પ્રદા ચૂંટણી જીત્યા પણ હતા.

વર્ષ 2009માં મતભેદ થતા આઝમ ખાને સમાજવાદી પાર્ટીના જનરલ સેક્રેટરીના પદ પરથી રાજીનામું આપ્યું. પરંતુ જલ્દી તેમની વાપસી થઈ, પાર્ટીએ તમનું રાજીનામું અસ્વીકાર કરી પરત બોલાવ્યા હતા. ત્યાર બાદ જયા પ્રદાએ સપાથી અલગ થઈ ગયા અને 2014માં તેમને રાષ્ટ્રીય લોકદળ તરફથી બિજનૌર બેઠકથી ચૂંટણી લડી પરંતુ તેમને હારનો સામનો કરવો પડ્યો. હવે જયા પ્રદા બીજેપી સાથે જોડાયા છે. તેઓ રામપુર બેઠકથી આજમ ખામે સામે ચૂંટણી મેદાનમાં ઉતર્યા છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન

The post મર્યાદા ભૂલ્યા આઝમ ખાન, જયા પ્રદા વિશે કરી અભદ્ર ટિપ્પણી appeared first on Sandesh.

from India – Sandesh http://sandesh.com/azam-khan-give-controversial-statements-in-election-rally-rampur-up/
via Best Gujarati News