કાલે વર્લ્ડ કપ 2019 માટે ટીમ ઇન્ડિયાની જાહેરાત, આ વિકેટકિપર માટે જબરદસ્ત ચર્ચા

બ્રિટનમાં 30મી મેથી શરૂ થઇ રહેલા ક્રિકેટ વર્લ્ડ કપ માટે ટીમ ઇન્ડિયાની જાહેરાતનો દિવસ નજીક આવી રહ્યો છે. સોમવારના રોજ મુંબઇમાં મિશન વર્લ્ડ કપ માટે ભારતીય ટીમની જાહેરાત કરાશે. ટીમ ઇન્ડિયા માટે કેટલાંય ચહેરા તો નક્કી મનાય છે પરંતુ કેટલાંક સસ્પેંસ છે. સૌથી મોટો પ્રશ્ન બીજા વિકેટકીપરનો છે.

કાર્તિક કે પંત, બીજો વિકેટકીપર કોણ?
સૂત્રો પાસેથી મળતી માહિતી પ્રમાણે ટીમ મેનેજમેન્ટ અને પસંદગીકર્તા ઉપલબ્ધ વિકલ્પો, દિનેશ કાર્તિક અને ઋષભ પંતના નામને લઇ ગંભીરતાથી વિચાર કરી રહ્યાં છે. ખૂબ જ અનુભવ બાદ પણ મોટી ઇનિંગ્સ રમવાની કાર્તિકની ક્ષમતા પર પ્રશ્નો ઉઠી રહ્યાં છે. જ્યારે પંતના સતત આક્રમક શૉટ રમવાના પ્રયાસ પર પણ શંકાના ઘેરામાં છે. સૂત્રે કહ્યું કે ટીમ મેનેજમેન્ટ હાર્દિક સિવાય બીજા એક ખેલાડીની શોધ છે જે ધોની જેવા રનરેટના દબાણને ઓછી કરી શકે.

ખાસ બદલાયેલી નહીં દેખાય ટીમ?
મળતી માહિતી પ્રમાણે પસંદગીકર્તા માર્ચમાં ઑસ્ટ્રેલિયાની સામે રમાયેલ ઘર આંગણે વનડે સીરીઝ માટે પસંદ કરેલી ટીમમાં ખાસ ફેરફાર કરવાના પક્ષમાં નથી. એમએસકે પ્રસાદના નેતૃત્વવાળી પસંદગી સમિતિની બેઠક સોમવારના રોજ 15 એપ્રિલના દિવસે મુંબઇમાં થશે અને બપોરે પત્રકાર પરિષદ દ્વારા ટીમ પરથી પડદો ઉઠાવાશે.

ઑલરાઉન્ડર પર પણ મંથન
તેની સાથે જ એ પણ ખબર પડી કે ટીમ મેનેજમેન્ટ ઑલરાઉન્ડર તરીકે વિજય શંકરની રમતથી ખાસ્સા પ્રભાવિત છે. તેનો અર્થ એ થયો કે અંબાતી રાયડુ જેમણે ઓક્ટોબરમાં નંબર ચાર તરીકે પસંદ કરાતો હતો. હાર્કિદ પંડ્યા ટીમ જશે તે પાક્કું મનાય છે. શંકરને ટીમમાં પસંદ કરતાં ટીમને ઝડપી આક્રમણ બોલર્સ, જેમાં જસપ્રીત બુમરાહ, મોહમ્મદ શમી અને ભુવનેશ્વર કુમાર સામેલ છે તેમાં એક વિકલ્પ મળી જાય છે. તેનાથી બીજા એક ઓલરાઉન્ડર રવિન્દ્ર જાડેજા માટે પણ જગ્યા બની શકે છે જેને સપ્ટેમ્બરમાં સીમિત ઓવર ક્રિકેટમાં શાનદાર વાપસી કરી હતી.

આપને જણાવી દઇએ કે ટીમ ઇન્ડિયા પોતાના અભિયાનની શરૂઆત 5મી જૂનના રોજ દક્ષિણ આફ્રિકાની વિરૂદ્ધ કરશે. 14 જુલાઇ, 2019ના રોજ ટુર્નામેન્ટની ફાઇનલ લૉર્ડસમાં રમાશે. આ વખતે ટુર્નામેન્ટમાં કુલ 48 મેચ રમાશે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન

The post કાલે વર્લ્ડ કપ 2019 માટે ટીમ ઇન્ડિયાની જાહેરાત, આ વિકેટકિપર માટે જબરદસ્ત ચર્ચા appeared first on Sandesh.

from Sports – Sandesh http://sandesh.com/icc-cricket-world-cup-2019-rishabh-pant-or-dinesh-kartik/
via Best Gujarati News