Amazonના આ પ્લાનથી તમે પણ ઘરે બેઠા લાખો રૂપિયાની કમાણી કરી શકો છો, જાણો વિગત

ઈ-કોમર્સ વેબસાઇટ એમેઝોન ઘરે બેઠેલા લાખો લોકોને કમાવવાની તક આપી રહી છે. કંપનીએ તેની પોતાની મહત્વાકાંક્ષી B2B સેલિંગ બિઝનેસ પ્લાનની જાહેરાત કરી છે. આ યોજનામાં જોડાતા નાના ઉત્પાદકો લાખો કરોડ રૂપિયા કમાઈ શકે છે. આ યોજનાનો શ્રેષ્ઠ ભાગ એ છે કે આ યોજનાની સાથે જોડાવવાથી ભારતીય નાના સેલર્સ અમેરિક, યુરોપ અને જાપાન સહિતના તમામ વિશ્વ બજારોમાં પણ પહોંચી શકે છે.

ઉલ્લેખનિય છે કે એમેઝોને 2015માં ભારતીય ઉત્પાદકો માટે વૈશ્વિક પ્લેટફોર્મ ખોલ્યું હતું, પરંતુ અત્યાર સુધી તેમની પાસે ફક્ત ગ્રાહક સુધી જ વેચવા માટે સ્વતંત્રતા હતી. આ નવી યોજના હેઠળ, ભારતીય ઉત્પાદકો અથવા વિક્રેતાઓ તેમનો સામાન કંપનીઓ અથવા અન્ય દેશોના વ્યવસાયિક ભાગીદારોને વેચી શકશે. તેના કારણે, તેમનો ધંધો અનેકગણો વધારી શકે છે.

એમેઝોનના B2B બિઝનેસના વાઇસ પ્રેસિડેન્ટ પિયુષ નાહરે જણાવ્યું છે કે નવી યોજના ભારતીય નિકાસકારો અને વેચાણકારો માટે મોટો નફો કરશે. તે ભારતીય સેલર્સ માટે નિકાસ કરવાની એક સારી તક પણ છે. આ યોજનામાં નિર્માતા અને નિકાસકાર બંને જોડાઈ શકે છે. એમેઝોન વિશ્વના મોટા ભાગના દેશોમાં વ્યવસાય કરે છે, તેથી ભારતીય સેલર્સ હવે સરળતાથી ત્યાં પહોંચી શકે છે.

પિયુષ નાહરે વધુમાં જણાવ્યું કે એમેઝોનના આ પ્લાનથી જોડાવનારાને ફોર્ચ્યુન 500 કંપનીઓ સિવાય વિદેશોની મધ્યમ અને નાની કંપનીઓ સાથે પણ જોડાવાની તક મળશે. શરૂઆતમાં, એમેઝોનની આ વૈશ્વિક યોજના ફક્ત 2,000 જેટલા વિક્રેતાઓ માટે હતી, જે હવે 32,000 વિક્રેતાઓ સુધી વધી છે.

આ વિક્રેતાઓ વૈશ્વિક ગ્રાહકોને તેમના 9 મિલિયન ઉત્પાદનો વેચી દે છે. એમેઝોનની નવી યોજના સાથે, ભારતીય વિક્રેતાઓની સંખ્યા હવે 3 લાખથી વધુ હશે. નવી યોજના હાલના વિક્રેતાઓ તેમજ તે નવા વિક્રેતાઓ માટે પણ છે, જેઓ આમાં સામેલ થવા અને તેમના ઉત્પાદનોને સમગ્ર વિશ્વમાં જોડવા માંગે છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ ફોલો કરી શકો છો.

The post Amazonના આ પ્લાનથી તમે પણ ઘરે બેઠા લાખો રૂપિયાની કમાણી કરી શકો છો, જાણો વિગત appeared first on Sandesh.

from Business – Sandesh http://sandesh.com/amazon-new-b2b-business-plan-may-give-your-opportunity-to-earn-ample-of-money/
via Best Gujarati News